Eid e Ghadeer mubarak wishes, Quotes, shayari

Eid e Ghadeer mubarak wishes & Quotes

• I hope you have a happy Eid that is full of blessings, love, and joy. May you and your loved ones become closer as a result of this happy occasion. Eid al-Ghadeer Mubarak.
• I hope you have peace, wealth, and success on this Eid. Have a great Eid al-Ghadeer that is joyous and happy.
• Eid Mubarak to you my dear friend. May God bless you with lots of happiness and never ending prosperity.
• I wish you good health, luck, and plenty of success on this pious festival of happiness. Eid al-Ghadeer Mubarak.
• I may be faraway from you this Eid but I am always closer to your heart. Eid al-Ghadeer Mubarak.
• Love is what connects our hearts together and respect is what polishes the relationship. Let us celebrate an Eid full of love and enjoyment. Eid Mubarak.
• On this holy festival of Eid al-Ghadeer, I wish a day filled with lots of love, laughter, and happiness. Have a blessed festival.

Eid e Ghadeer Quotes & Shayari

Takmil-E-Deen Naam Hay Jashn-E-Ghadeer Ka
Bheja Hay Taaj Rab Ne Nabi K Wazeer Ka
Aao Ali A.S K Chahne Walo Khushi Khushi
Ye Jasn ho Raha hai Janab-E-Ameer Ka
Koi Ali A.S Ko Maula Kaha Koi Na Kahe
Yeh Masla Azal Se Hai Zarf-O-Zameer Ka
Hume Woh Likhte Hai Deewar-O-Dar Pe Aaj
Hai Jin K Dil Mein Zakham Abhi Tak Ghadeer Ka
Mushkil to uske Qadmon Mein Khud Lotne Lagi
Jisne Bhi Naam Le Liya Qanbar Ke Peer Ka

Yaume Ghadeer Aur Shabe Aashur Ka Tawaaf,

Iss Ke Siwah Hai Gardishe lailo Nahaar Kya.

Waez Ali (as) Ke Bughz Ki pathri Jigar Me Hai,

Andar Se Kar Raha Hai Khuda Sans’saar Kya.

Tum Ko to hai Malum Wo Mazbut Hai Dhun Ka

Iqrar Bhi Israar Bhi Ye Kaam Hai Punn Ka

Mat Ruthna Ahbab Nabi (s) Se Ya Ali (as) Se

Inn Ka Hai Ye Na Unka Hai Ye Hai Faisla Kun Ka

Mabood, Madad kar ke Aaj Mere Ashaar ka Unwaan Hai Ghadeer,

Tamam Aalemin pe Masoomeen ki Wilayat ka Ailaan Hai Ghadeer,

Janasheen e Risalat Ki Qul Aalemin ko Sunata Shaan Hai Ghadeer,

Haan Haqeeqatan, Haq o Baatil ke Darmiyaan ki Pehchaan Hai Ghadeer

Muqam E Ishq Koi Be Zameer Kya Jane

Hussainiyat Ki Haqeeqat Haqeer Kya Jane

Nabi (S.A.W.) Ki Zaat Pe Hazyan Ka Ho Shak Jis Ko

Woh Do Rakat Ka Namazi Ghadeer Kya Jane

Khuda parast wafaa e Ameer yaad rahe

Zamane bhar ko Nabi ka wazeer yaad rahe

Sajaya jaata hai masjid mein is liye mimbar

Namaziyo ko bhi Eid e Ghadeer yaad rahe

Saj Ke Sawar Ke Ghar Se Nikal Kar Sawar Ke Aa,

Ae Yaum Ki Khushi Ka Thikana Hi Aur Hai.

Bando Ke Saath Eid Manata Raha Hai Tu,

Khaliq Ke Saath Eid Manana Hi Aur Hai.

Bus Yeh Najaf me hogaya Nuksaan Ya-Ali.

Nikli na Tere Dar pe Meri Jaan Ya-Ali.

Ab tak unhe Ghadeer ka Rasta nahin Mila.

Chauraahey par khadhey hain Musalmaan Ya-Ali

Baade ghadeer waliullah ko pehchaan na to common sense hai,

Ali a.s. Ko chodke kisi aur aur aur ko maan na to non sense hai,

Nabi ne jo kaha tha kehde,tujh me kuch to sense hai,

Ali a.s. Ko jo maane, jannat me bas uski entrance hai..

Sun Lo Ghadeer e Khum Pe Hi Kahkar Ali Ali (as),

Dharti Pe Pahli Baar Khade Haath Hogaye,

Do Haath Ek Kya Huwe Huqme Jaleel Se,

Shaukat Bade Bado Se Bade Haal Hogaye.

Jis Per Mere Rasul (saw) Ko Teyees Baras Lage,

Uss Amre Kirdigaar Ki Haiyyet Ghadeer Hai.

Ye Haath Leke Jaata Hai Parwar Digar Tak,

Daste Khuda Pe Abd Ki Baiyyet Ghadeer Hai.

Emaan Baatne Pe Tule Hai Wo Mustafain,

Tauheed Ka Karam Bhi Hai Dono ke Saath Me,

Tanha Ali (as) Ke Haath Ko Tanha Na Jaan Na,

Barah Imamate Hai Mohammad (saw) Ke Haath Me.

Kal Se Bahtar Kar Raha Hu Aaj Sab Ke Aajj Ko,

Balke Nafis Kar Raha Hu Murtuza Ke Rajj Ko,

Bandgi Ke Haus Me Arke Wilayat Daal Kar,

Kausari Karne Lagaa Hu Zamzami Al Hajj Ko.

Khane Lagi Ghadeer Ke Maidan Ki Tapish

Upar Se Thaher Jaane Ke Farmaan Ki Tapish

Bhai Ka Haath Thaam Ke Sarwar Ne Kya Kaha

Suraj Se Bhi Shadeed Hai Eylaan Ki Tapish

Haato pe Mohammed (saw) Ke Wali Ibne Wali Tha,

Azhar Kahi Wo Mazhare Ausafe Jali Tha,

Ho Kiske Tasawwur Me Bulandi Ka Tasawwur,

Uncha Bhi Huwa Wo Ke Jo Pahle Se Ali (as) Tha.

Islam Nagar Ki Duniya Me,

Har Eid Hai Chand Se Bawasta.

Taqdeer Ki Rahe Dhunda Kar,

Tahzeeb Ke Sahre Dhunda Kar.

Jis Shaqsh Me Achcha Khoon Nahi,

Usko Shaqsh Ko Aaj Sukoon Nahi.

Is Eid Pe Chand Na Dekha Kar,

Is Eid Pe Chahera Dekha Kar.

Badli Namaz or Azanai’n Badal Gaee’n

Baad-e-Elan-e-Khum, Zabanai’n Badal Gaee’n

Deen-Daar Banay Baithay Hain Dee’n Farosh Nazeer

Dee’n to Wohi hai, Dokanai Badal Gayi

Rukhsaar e Mumqenat Ka Ghaza Ghadir Hai

Insaniyat Ke Jism Me Taaza Ghadir Hai

Kalema Padha Jinhone Khilafat Ke Shauk Me

Unn Sabki Bebasi Ka Janaza Ghadir Hai

Ek Paher Ghadeer Ki Ek paher Ashur Ki,

Do Paher Ki Dhoop Se Islam Ko Saya Mila.

Daste Haider Per Huwa Wo Aftaab Itna Buland

Arsh Pe Dhoop Aagayi Kabe Pe Saaya Hogaya.

Khane Lagi Ghadeer Ke Maidan Ki Tapish

Upar Se Thaher Jaane Ke Farmaan Ki Tapish

Bhai Ka Haath Thaam Ke Sarwar Ne Kya Kaha

Suraj Se Bhi Shadeed Hai Eylaan Ki Tapish

Ek Kaam Karne Roz Hi Aati Hai Dopahar,

Sab Ko Ghadeer Yaad Dilati Hai Dopahar.

Bhule Huwe Hai Log Jo Mimber Ghadeer Ka,

Masjid Me Unko Khech Ke Laati Hai Dopahar.

Ye Do Bhaiyo Ne Bhari Dopahar me,

Kahani Ye Subhe Azal Ched Di Hai,

Suno Mustufa (sw) Haath Pe Murtuza (a) ne,

Ajab Marziye Lam Yazal Ched Di Hai.

Ye Paalan Ki Arsh kaamat Jabi Per,

Dabistaane Hairat Ki Tanzeel Dekho,

Risalat Ka Matlaa Imamat ka Maqta,

Khuda Ne Anokhi Gazal Ched di hai.

Murtuza (as) Imkaan Se Awla Huwa,

Hai Risalat (s) Ne yahi Bola Huwa.

Har Amal Ki Jaan Hai Ishqe Ali (as),

Humne Hai Mizaan Pe taula Huwa.

Hai Ali (as) Ka Zikr to Mai Kya Karu,

Mai Ne to Quraan Hai Khola Huwa.

Aabsare Ishq e Haider (as) Hai Rawa,

Tu Bhala Kaheko Hai Khaula Huwa.

Kuch Khirad Mando Se Bahter Dosto,

Hashr Taq Bahlol Sa Bhola Huwa.

Abdd Zaade Haath Malte Rah Gaye,

Jisko Hona Tha Wahi Maula Huwa.

Maqtal Se Ja Mili hai rawani Ghadeer ki,

Thi Mimber e Sina Pe Nishani Ghadeer Ki,

Panja Har Ek Alam Pe Sunata hai Aaj Bhi,

Aaghaz E Karbala me Kahani Ghadeer Ki.

Ab Aur Kya Bayaan Ho Azmat Ghadeer ki,

Qura’an Me Ayaa’n Hai Fazeelat Ghadeer

Akbar Ka Sina Deke Wilayat Bachayi Hai

Puche Koi Husain Se Keemat Ghadir Ki

Haqdaar Hai Wo Laanat E Parwardigaar Ka

Jis Shakhs Ke Hai Dil Mein Shikayat Ghadeer Ki

Badla Liya Gaya Hai Ali (as) Se Namaz Me

Thi Dushmani Rasul (saw) Se Eid e Ghadeer Ki

Meesum bata rahe hahaqeeqat ghadeer ki

Karke farazedaar pe midhat ghadeer ki

Imaan ke looter main dum itna hai kaha

Jo aake cheen le daulat ghadeer ki

Ho gaya Bus Deen Mukammal Mustufa (as) Ne Kehdiya,

Sab Se Afzal Sab Se Awwal sabse Aala hai Ghadeer.

Teri Sirat Ko Bayaan Karna Hai Humko Raat Din,

Ishq e Haider Ne Nikaala Hai Yahi Rasta Ghadeer.

Gham Nahi Mujhko Ali (as) Ke Dar ka hu Adna Gulaam,

Meri Mukti Ke Liye Tasbeeh O Maala Hai Ghadeer.

Baad e Ahmed (sw) Bas Ali e Murtuza (as) Ki Zaat Hai,

Sab Ye Kehte Hai Mohammed Ka Hawala Hai Ghadeer.

Chehraye Batil Se Dekho Utt Gayi Raushan Naqab,

Dekh Tera Rang Bhi Kitna Nirala Hai Ghadeer

Aaya Jo Zikr Mere Labo’n Pe GHADEER Ka

Kitne DiLo’n Pe ChaL Gaya khanjar GHADEER Ka

Pakeezgi-e Khoon Ki Pehchan Dekhiye

Pemana De Gaya hy Payamber GHADEER Ka

Jee Chahe Jisko Aap Bana Dije Jaanasheen,

Lekin Kaha Se Laaoge Mimber Ghadeer Ka. 

Bahut Se Din Hai Eid Ke Ghadeer Phir Ghadeer Hai.

Khushi Ke Din Hai Fitr, Azha Aur Mubahila Sabhi,

Jo Maasiyat Se Paak Ho Wo Roz Bhi Hai Eid Bhi,

Ghadeer e qum k siwa silsila nahi milta

baraay jadaay haq rehnuma nahe milta

yahan se qafayla islam ka sambhal k chalay

bhatak gaay tou koi rasta nahe milta.

Haan lashkar e yazeed kay boorhon ko dosto,

maazi ki aik shaql dikhayi Hussain (a.s) ne,

Jo Dushmane Ali Tha Wo Roya Ghadeer Me

Nikla Munafeqat Ka Janaza Ghadeer Me

Aaj Bhi Wo Pherte Hy Muh Ko Namaz Me

Jaise Laga Ho Muh Pe Tamacha Ghadeer Me

Wajib Hai Tum Pe Zikr Sunana Ghadeer Ka,

Man Kunto Bangaya Hai Taraana Ghadeer Ka.

Bage Fedak Bana Hai Bahana Ghadeer Ka,

Dar Baar Me Tha Zikr Sunaana Ghadeer ka.

Kyu Karna Padhu Sura e Rahman Baar Baar,

Milta Nahi Har Ek Ko Khazana Ghadeer Ka.

Akbar Teri Azaan Wilayat Ki Gunj Par,

Maidan Padh Raha Hai Tarana Ghadeer ka.

Salman Bole Dekh Ke Chehre Ko Shaikh Ke,

Jaa Kar Laga Hadaf Pe Nishana Ghadeer Ka.

Hajj Se Bhi Jab Naa Hosake Raushan Siyah Dil,

Laazim Huwa Chiraag Jalana Ghadeer ka.

Darbar Jaake Unko Mitaa Aayi Hai Batool (sa),

Jo Chahate the Zikr Mitaana Ghadeer ka.

Dhalti Na thi Jo Uss Shabe Aashoor Ki Kasam,

Hoga Kabhi Na Khatm Zamana Ghadeer Ka.

Pura Huwa Khuda ka Iraada Ghadeer Me,

Mawlayiyo Ko Mil gaya Maula Ghadeer Me.

Kitno ke Khaawb the Ke Jo Matti me Milgaye,

Nikla Hai Hasrato ka Janaza Ghadeer Me.

Kufro Nifqo Shirk Pareshaan Ho gaye,

Teeno Ka Ho Raha Hai Safaya Ghadeer Me.

Utra Huwa Hai Shaikh Ka Chahera Ghadeer Me,

Nakli Ne Dekha Asl Khalifa Ghadeer Me.

Haider (as) Ko Mustufa (saw) Ne Badi Chahato ke Saath,

Hijrat Ki Shab Sulaaya Uthaaya Ghadeer Me

Sine Pe Saanp Laut Raha Tha Ghadeer Me

Do Jahaan Me Ek Hi Ghar Hai Abutalib (a) Tera,

Bachcha Bacha Hai Jahan Allah Ke Meyaar Ka.

Madhe Haider Ki kasam Gunga Bhi Bolega Abhi,

Waasta Dedo Zaban e Misam e Tammar Ka.

Shaikh Ka Emaan Kaha Salman ka Emaan Kaha,

Kya Taqabul Ho Bhala Nalain Se Dastaar Ka.

Sirf Ailane Wilaye Murtuza Mat Jaaniye,

Yeh Qasidah Hai Mere Maa Baap ke Kirdaar Ka.

Banda Wo Hai Jo Poora Kare Haqqe Bandagi

Shaamil Rahe Namaz Me Nashsha Ghadeer Ka

Nashsha to Tab Chadhega Jo Pi Loon Hazar Jaam

Ji Bhar Pila Ki Main Hoon Diwana Ghadeer Ka

Deewana e Ghadeer Hoon Dil Bhar Ke Peene De

Tab Ja Ke Likh Sakunga Tarana Ghadeer Ka

Aisa Tarana Jis Pe Malaaek Me Dhoom Ho

Ek Ek Lafz Me Ho Sarapa Ghadeer Ka

Eido Ke Liye Hai Eid Ka Din,

Ghar Ghar Ko Sajaaya Jaata Hai,

Maula Ko Maula Maidan Me,

Mimber Pe Banaya Jaata Hai.

Jab Zikr Ali (as) Ka Hota Hai,

Jab Khum Ki Baate Hoti Hai.

Lagta Hai Jaise Urdu Me,

Quraan Sunaya jaata Hai.

Kya Khub Samaan Hai Ye Manzer,

Hai Daste Nabi (sw) Pe Yun Haider (a).

Jis Tarha Gawahi Dene Ko,

Quraan Uthaya Jaata Hai.

Jab Naade Ali Ham padhte Hai,

Kyu Jalte Ho Ye Fitrat Hai.

Jab Mushkil Sarpe Padti Hai,

Apno Ko Bulaya Jaata Hai.

Kaabe Ka Mukhalif Ho Ya Koi,

Maulud e Kaaba Ka Munkir.

Ek Jaisi Sazaa Hai Dono Ki,

Patthar Hi Giraya Jaata Hai.

Suraj Ki Tapish Sahra Ki Tapish,

Aur Uspe Wilayat Ka Elaan.

Kya Roz Hai Aaj Munafiq Ko,

Har Rukh Se Jalaya Jaata Hai.

Ailaane Wilayat Ki Khatir,

Fitrat Ko Badalta Hai Qadir,

Andhe Ko Dikhaya Jaata Hai,

Bahre Ko Sunaya Jaata Hai.

Janab Mir Takallum

Quraa’n ko uthaaye hain Quraa’n Ghadeer mein.

Allah ne banadiya mizaa’n Ghadeer mein

Naslo’n ki horahi hai pehchaa’n Ghadeer mein

Zul Ashr ka jo waada tha waada wafa hua

Man kunto ka jo hogaya Ailaa’n Ghadeer mein

Wirse ki aarzoo thi bohat beti ke ewaz

roundhe gaye hain uske bhi Armaa’n Ghadeer Mein

Baqin to shaiq l.a ji bhi wahan keh chuke magar

Dil par gira hai unke bhi toofaa’n Ghadeer mein

Thi munkiraan e dee’n ki shinaqat bohat muhaal

Naam e Ali a.s ne kardiya Aasaa’n Ghadeer mein

Takmeel Aaj hogaya Islaam Dekhiye

Quraa’n ko uthaaye hain Quraa’n Ghadeer mein

Sab kar rahe the dawa e imaan us Ghadi

Par the sabhi ke raaz numayaa’n Ghadeer Mein

Douran e raah rok kar hujjaj ko wahan

Allah ne parakh liya imaa’n Ghadeer Mein

Har jung ki tarah koi bhaage na isliye

Rakha gaya tha mimbare paalaa’n Ghadeer mein

Teri Mohabbato’n ka yeh Ahsaan hai Ali a.s

Har saal badh raha hai jo Irfaa’n Ghadeer mein

Ye Maa ki taharat ka Asar bol raha hai

Kyun mai na apni Maa pe hun khurbaa’n Ghadeer mein

Jo maangna hai maanglo Rahmat ki hai ghadi

Khush hai bohat jo Qaliq o Yazdaa’n Ghadeer mein

Khushiyaa’n Ghadeer ki Meri Dobala hoyegi

parda hata do Aaqri sultaa’n Ghadeer Mein

Parwardigaar isko to aabaad o shaad rakh

karta hai teri hamd sana khwaa’n Ghadeer mein

Jhutla diya hai jisne bhi farmaan e Mustafa saww

Har us bashar ka hogaya nuqsaa’n Ghadeer Mein

Ab Kya koi mitayega Moula ke zikr ko

Allah Ban gaya hai nigahbaa’n Ghadeer Mein

Dikh jaayega Nazaara hamein Qum ka bil yaqee’n

Aajaye jon’hi hujjate Douraa’n Ghadeer Mein

Fatwe laga raha hai aza e Hussain Par

lagta hai tu tha chaak girebaa’n Ghadeer Mein

Zikre Abu Turaab a.s se Mirza ne bazm me

Momin ke Dil ko kardiya shadaa’n Ghadeer mein

Mila hai ishq e haider hum ghulamon ko muqaddar se

Ye gauhar haath aata hai, wilayat k samandar se

Wila ka jaam peene khum ke maikhane mein aaye hain

Humein sairaab kar saqi, sharaab e hubb e haidar se

Nabi hain bar sar e mimbar, ali hain unke haatho par

Jhulaste hain kai seene, ghadeer e khum k manzar se

Bulandi sahib e meraj k haathon se paayi hai

To hai ab past ye saara zamana paye haider se

Maqaam e bandagi mein mojiza ye bus ali ka hai

Hui hai ibteda aur inteha allah ke ghar se

Hum apni bazm mein kyo tazkira unka karen aakhir

Nikaale jaayen jo afraad khud bazm e payambar se